U Paese d'Erbaghjolu
1.Tutti li pueti corsi Senza scurdane manc’unu In canzone o i discorsi Tutti a paru in cumunu Lodanu li so paesi È l’abitanti curtesi	2.Nè vogliu fà altr’è tanti È sò possu supranali Mi pare chi li so canti Sò stati originali Avà chi tutt’aghju dettu Principiu lu mio sunettu	3.Ripostu nant’una cresta A manca di tavignani A l’orlu di la furesta Si godenu ghjorni sani Poi nant’a li so chjassi Quantu n’aghju fattu passi	4.U so clima cusì bonu In n’impurtà chì stagione Molti criticà lu ponu Mà nun c’hè lu paragone Un paese di cucagna Una cità in campagna	5.E so case cusì belle Ch’innamoranu li cori Cumè ventu in le vele Li prufumi è l’adori So spaziose è à l’erbate Ben’alzate, assulanate
6.A mezu c’hè la sò ghjesgia A fiancu lu campanile La meria chi s’intisgia Fata in mudernu stile Appena sopra si trova L’acqua di « funtana nova »	7.Lu stradone lu percore Una traversa l’intorna Qualunque viaghjatore Ghjunt’una volta ci torna Basta quessa per pruvà Ch’ellu c’hè lu benistà	8.Una ricetta pustale Funziona dàpoi cent’anni D’impurtenza capitale Per fresteri è paisani E per dalli meglior donu Oghjè ci hè lu telefonu	9.C’hè la ghesgia San Martinu Ch’ùn ci vole lascià da parte Nata in lu seracinu Mudellu di scultura è d’arte Avà l’hà u guvernu in manu Cumè monumentu anzianu	10.Più sottu ci hè la Casella Paisolu desertatu Purtantu fece parlà d’ella Indù lu tempu passatu Ci nasci lu cummandante Ch’in Nonza fù millitante
11.U so territoriu stessu Nè cunserva li vestigi Di bataglie è di sucessu U corsu contra nemici Perchi fù in « secca funtana » Chi lu moru lasciò la tana	12.Li fù tagliata la testa È sopra locu interrata Per tutti nè fù la festa È cusi fubbe creata Di li corsi la bandera Ornata di à testa nera	13.Hè per què chi l’abitanti Seguenu l’esempiu anticu Sonu bravi tutti quanti Pronti à more per l’amicu Sonu generosi è fieri È cun tutti ospitaglieri	14.Ci hè avucati duttori Muratori cù impiegati C’hè pueti è cantatori Cunnisciuti è stimati Paese riccu à l’eccessu Oghje in pienu prugressu	15.Andendu per lu cantone A via di Pedicorti La ghjesgia di Sant’Antone Lu monumentu a li morti Quì chi nimu nun si stoni ! Di scopre cinque cantoni
16.Si scopre cinque cantoni Corti Venacu è Sermanu Le muntagne di Ghisoni Vezzani li vene à pianu Quandu lu celu ùn’hè tintu Aleria è lu monte Cintu	17.V’aghju fattu descrizione Di stu paese perfettu Spiegatu a situazione Lu nome ùn l’aghju dettu Dà quantu m’ere imbalatu Mi n’ere dimenticatu	18.Or lu chjamunu l’erbaghjolu Corti hè lu so cirdudariu In corsica unicu è solu Nisunu dice u cuntrariu Luce cume in celu ùn raggiu Chjave di u cantone di gaggiu	19.Vi pregu di faci un tornu Nè firmerete incantati Allungherete u suggiornu Ancu per esse pressati Perchè chi ghjuntu quassù Penseri lu ci n’hè più
merci à Ghj Francé Luciani d'avoir remise en forme cette poésie retrouvée sur le journal A Raddacchia écrite par M. Pinelli. Cibolla a dicté, en chantant, ce poème à Jean-François, son petit fils Un hommage à son fidèle chien Paris Lamentu d’un cane Vogliu piglià la mio penna c’una certa emuzione D’una manu calma è ferma mi vogliu mette à cumpone Aghju le lacrime a l’ochji quandu cantu ste canzone Ma nu si po cantà di gioia quandu lu core hè feritu Quellu chi entre in casa soia hà un destinu tantu perfitu Mà pare chi di dulore mai nimu ùn’hè scimitu Tutti l’anni tocu maghju spunterai cum’un fiore Ch’eo possa sente lu t’abbaghju ch’eo possa vereti corre Al menu una volta l’annu ti dumandu stu favore U m’avianu alevatu a lu pratu di ghjuvellina Figliolu d’un cane capraghju è d’una cughja berbina Quand’ellu curria ellu spaventava la cunfina Mà quella mane ancu lu sole si n’hè invergugnatu a sorte Piattu sottu a le lenzole cu tutte le stelle accolte Tutta la santa ghjurnata n’emu pientu la to morte Un’ere micca travechju ti n’ere sempre ùn pulone Per damine un bellu prezzu per daminè ùn millione Mai un taveria dattu lu mio fidu cumpagnone In furesta o chi sussuru un’era ch’un pientu ùn lagnu Lu velu nu lu murmuru l’acellu nantu a lu castagnu Pienghjianu in sottu in sottu anch’elli lu so cumpagnu Tù m’avia mustratu li fiore è aspetava lu to fruttu Ghjunti li primi calori cume neve ti si struttu Cridia d’avè ùn cumpane oghje lu mi manghju asciutu Vogliu chi di la to morte si nè parla ogni fucone D’una scelerata sorte d’un esiliu pagherone Di tamanta ghjelusia di lu ville viacone Vai è riposa in pace serà l’ultima prighera Lu male chi l’omu face si paga in ogni manera Quellu chi hà tombu à tè ùn po campà chè a straziera